Legenda

• tekst czerwony - tytuły podrozdziałów
• [tekst niebieski w nawiasie kwadratowym] - komentarz
• tekst niebieski pogrubiony - numery stron
• tekst przekreślony - tekst skreślony w manuskrypcie

Transkrypcja

100v

Hye heben sich an die ringen die do gesatz hat maister Ott dem got genädig sey der hochgeborn fürsten von Österreich ringer gewesen ist

In allen ringen süllen sein drew dingk / Daß erst ist kunst / Daß ander ist schnelligchait / Daß dritt ist rechte anlegung der sterck / Darvmb soltu mercken daß daß pest ist / Schnellichait die lest nicht zů prüche kumen / Darnach soltu mercken / daß man allen chrancken sol vor ringen / vnd allen geleichen sol man mit ringen / vnd allen starcken sol man nach ringen / vnd In allen vor ringen wart der schnellichait / In allen mit ringen wart der wag / vnd in allen nach ringen wart der knyepüg ~

Daß ist ein lere

Wenn dw mit einem ringen wild auß den armen / So gedenck albeg daß du in fast mit deiner lincken hant in der mauß seinß rechten armß / vnd mit der rechten hant in faß auß wendig seinß lincken armß / vnd mit der lincken hant die du in der mauß hast druck fristh zw° ruck / vnd mit der rechten hant begreif ym sein k / lincke hant foren / vnd zeuch fast zw° dir / vnd wenn du einen / also gefast hast so treib die ringen die hernach geschriben sten / welcheß dich am pesten dunckt ~

101r

Daß erst / wenn du In also gefast hast mit der lincken hant in der mauß seinß rechten armß / vnd mit der rechten hant vorn pey seiner lincken / So var mit deiner lincken hant auß seine rechten arm vn begreif ym vnden seinen rechten elpogen / vnd zeuch den zů dir / vnd mit der rechten do du sein lincke hant Inn hast stoß Im den arm von dir so verenckstu Im den arm ~

Ein anderß

Item / wenn du In gefast hast alß vor so heb ym auf den lincken arm mit deiner rechten hant / vnd var Im mit dem haubt durch den arm / vnd zeuch den uber deinen halß / vnd mit der lincken begreif ym sein linckß pain in der knyepüg / vnd wurf In also uber deinen ruck ~

Aber ein ringen auß dem erstn fassen

Item heb ym auf den lincken arm mit der rechten hant / vnd greif Im mit der lincken vnden an seinen elpogen / vnd zeuch do mit zů dir / vnd mit dem rechten stoß Im den arm oben von dir / vnd spring mit deine lincken fuesß hinder seinen rechten / vnd würf In auß dem fuesß über dem linkß pain ~

Aber ein ringen auß dem ersten vassen

101v

Item halt in fest mit der lincken hant sein rechte / vnd greif mit der lincken hant dein rechten zů hilf / vnd halt sein arm fest mit paiden henden / vnd wendt dich durch sein arm auf sein rechte seitten so gewingstu Im den ruck an / oder wendt dich durch auf dein lincke seitten ~

Ein anderß

Item hald im sein lincke hant fest mit paiden henden / vnd wendt dich durch sein arm auf sein lincke seitten / vnd zeuch Im den lincken arm uber dein rechte achsel / vnd prich vndersich ~

Also prich daß durch wenden

Item wer dir durch get do ge mit durch / vnd fall in ein ringen In welcheß du wild ~

Merck daß stuck pricht alle ringen die von ersten an geschriben sten

Item / wenn dir ein hat gefast dein lincke hant mit seiner rechten / vnd wil mit sein lincken vnden durch greiffen an deinen elpogen / vnd wil dir den vorrencken / oder wil seiner rechten hant zů hilff chumen / vnd sich durch den arm wenden / So merck die weil er mit der lincken der rechten zů hilff greifft / oder do mit nach dem elpogen greift in dem selben so var Im mit deine rechten arm über sein lincken in sein rechte seitten / vnd faß in In der wüst / vnd spring mit dem rechten fuesß hinder sein lincken / vnd würff

102r

In auß dem fuesß uber dein rechtz pain ~

Aber ein ringen

Item greift dich ainer an oben in die arm mit sterck / vnd helt dich vest / vnd wil dich dringen / So far mit deinem rechten arm aussen uber sein lincken vorn pey seiner hant / vnd begreif mit deiner lincken hant dein rechte / vnd druch mit paiden henden sein hant fast an dein prust

Merck hat er dy hant zů an deiner prust so spring mit dem rechten fuesß hinder sein lincken / vnd greif im mit dein lincken hant in die knyepüg seineß lincken fuesß / vnd heb do mit auf / vnd mit der rechten hant stoß in oben von dir so felt er ~

Ein anderß

Merck / wenn du Im mit deinen paiden henden sein hant vorn an dein prust druckst / helt er denn die hant offen / vnd reckt die finger / So begreif In pey den fingern mit dein lincken hant / vnd heb ubersich auf dein lincke seitten / vnd mit der rechten hant nym Im daß gewicht pey dem elpogen ~

Aber ein ringen

Wenn du mit eine ringen wild helt er dich denn loß in den armen / So greiff mit dein lincken hant oben uber sein rechte / vnd begreif sein lincke hant pey

102v

den fingern / oder fünst / vnd heb auf dem lincken / vnd mit der rechten nym ym daß gewicht pey seine elpogen ~

Also prich daß

Wer dir daß tůt vnd dir mit der lincken hant nach den fingern greift / vnd wil dir mit der rechten daß gewicht neme dem far mit dein rechten hant vnder seinem lincken arm umb den leip / vnd spring mit dem rechten fuesß für sein pede fuesß / vnd würf In also uber dein rechte hüp ~

Oder prich eß also

Wenn er dir mit der lincken hant dein lincke begreiffen hat vnd wil dir mit der rechten daß gewicht nemen / So senck dich nyder / vnd var Im mit dem lincken elpogen in die wüst / vnd spring mit dem lincken fuesß hinder sein rechten / vnd begreif ym sein rechten fuesß mit der rechten hant in der knyepüg / vnd zeuch do mit zů dir / vnd mit der lincken stoß in oben von dir so felt er ~

Ein anderß

Merck / wenn dir einer begreift dein lincke hant mit seiner lincken / vnd nympt dir mit der rechten daß gewicht / Stöst er dir denn den lincken elpogen hochauf / So wendt dich mit dem haubt do durch / vnd var Im mit dem rechten arm in sein lincke wüst / vnd spring mit dem

103r

rechten fuesß hinder sein rechten vnd würf in uber die recht hüf / Oder begreif in mit der rechten hant ein pain in dem durch wenden vnd ruck in nach dir ~

Aber ein ringen

Item wenn dich ein gefast hat pey den armen / vnd du In wider / helt er dich denn loß / So slach ym sein lincken arm auß mit deiner rechtn hant von oben nyder / vnd begreif imdo mit sein linkß pain in der knyepüg / vnd zeuch zů dir / vnd mit der lincken hant stoß In vorn an die prüst an seiner lincken seitten so müeß er vallen ~

Also prich daß

Merck wenn dir einer greift mit der lincken hant vorn an dein prust so begreif ym sein lincke hant mit deiner lincken / vnd nym Im daß gewicht pey dem elpogen mit der rechten / Oder stoß Im mit dem rechten hant seinen lincken elpogen slecht uber sich auß / vn wendt In also von dir ~

Aber ein ringen

Wenn du dich mit eine gefast hast pey den armen helt er dich denn loß / So slach sein rechte hant auß mit deiner lincken von oben nyder / vnd var Im do mit vnden durch sein rechtn arm

103v

/ vnd begreif In hinden / vnd halt In fest vn zeuch zů dir / vnd mit der rechten hant begreif in aufwendig in sein rechte knyepüg so würfstu In auf die linck seittn daß get zů paiden seitten ~

Daß ist ein leip ringen

Wenn du dich mit eine gefast hast daß dw die ein hant vnder seine arm hast / vnd die ander oben vnd er dich auch also / Ist er denn starck / vnd druckt dich zů ym so setz ym den elpogen an der hant die du oben hast an die kel vnd druck in do mit vast so müeß er dich lassen ~

Ein ander pruch

Merck wenn dich ein hat gefast vnder den arm vnd druckt dich fast zů Im so prich dich also von ym / greif ym mit paiden daümen in die augen / oder vnder sein kinpacken oder in sein kel so mueß er dich lassen ~

Aber ein leip ringen

Hastu dich mit einem gefast daß du ein hant vnden hast / vnd die ander oben vnd er dich auch also / So far Im mit dem arm den du oben hast vnder seine kinpacken an den halß vnd stoß in fast von dir / vnd mit der hant die du vnden hast begreif ym ein pain in der knyepüg

104r

/ vnd zeuch do mit zů dir so wirt er geworfen ~

Item ob dir ein daß stuck prechen wil vnd wil dir daß gewicht nemen pey dem elpogen so senck den selben elpogen / vnd druck ym den in die seitten / vnd mit der andern hant begreif ym ein pain in der knyepüg vnd würf yn ~

Aber ein leip ringen

Hastu dich mit einem gefast alß vor geschriben stet helt er dich denn loß so wechsel die hant die dw vnden hast im auf die ander seitten aufwendig in sein knyepüg / vnd heb do mit auf vnd mit der hant die du oben hast far Im für den halß vnd stoß in do mit oben von dir so felt er ~

Aber ein leip ringen

Hastu dich mit einem gefast daß du die ein hant vnden hast vnd die ander oben vnd er dich auch also / So var ym mit dem arm den du vnden hast von vnden auf aufwendig oben uber den arm den er oben hat / vnd chum mit der andern hant deiner obern hant zů hilf / vnd wendt dich von ym so felt er vnd daß ist gůt ~

Ein pruch wider daß schrencken

Merck wenn dich ein gefast hat in den armen / vnd du in wider / hastu denn

104v

den lincken fueß vor gesetzt / vnd ist er denn also gescheid / vnd schreitt dir mit seinem rechten fuesß aufwendig hinder den lincken / vnd wil dich pey den armen dar über rucken so zuck den lincken fueß frisch hinder dich auf zů ruck / vnd fasß Im do mit sein rechten fueß / vnd stoß in oben für die prust so felt er ~

Aber ein ringen

Ob dich einer fer hinden begreift uber dein achseln so var uber mit deinem arm in die püg seinß elpogenß an der seitten do der fueß vor stet / vnd mit der andern hant hilf zů dir drucken auf die seitten aufwendig geriden / vnd hald Im den arm mit der ain hant / vnd mit der andern greif im in die drossel / vnd mit dem füesß in die knyepüg seinß auf gesetztn fuesß zů dir gespart mit der fersen ~

Aber ein ringen

Schlach auß mit deiner rechten hannt sein lincke / vnd begreif Im die finger sein rechten hant / vnd mit der lincken sein rechten arm über sich geslagen voren gefast / vnd zů ruck geworfen uber dein linkß pain ~

Aber ein ringen

Schlach auß mit deiner rechten hant sein lincke / vnd var im ? mit der rechten

105r

zwischen die pein vorn durch / vnd fasß in hinden pey der Joppen oder auf den arm / vnd heb in also auf vnd stoß in oben mit der lincken hant von dir so felt er hinder sich auf den kopf ~

Also prich daß

Wenn dir einer mit seiner rechten hant zwischen deinen peinen pey der Joppen durch fert / vnd fast dich hinden pey der / Joppen so puck dich mit dem haubt gegen ym / vnd far von aussen vnden durch sein rechten arm mit deinen paiden armen / vnd heb do mit übersich so mag er dich nicht gewerfen ~

Aber ein ringen

Ob dir einer mit paiden henden g begreiff pey deiner lincken hant / vnd wolt dich rucken auf sein rechte seitten so laß dein rechte hant von oben durch uber sein lincken arm / vnd far do mit / vnd fasß in in seiner rechten seitten mit der rechten hant / vnd mit der lincken fal ym in ein knyepüg ~

Aber ein ringen

ffast dich einer vorn pey der prust mit peiden henden / so far oben über mit der rechten hant uber sein lincke / vnd twing Im die / vnd mit der lincken hant an sein rechten elpogen / vnd schreck mit dem

105v

lincken fuesß ~

Ein pruch wider schrancken

Wenn dir einer schrencken wil mit der rechten hant dem schrenck mit der lincken

Aber ein ringen

Slach auß mit paiden henden / vnd fall ym mit paiden henden in sein paide knyepüg / vnd zeuch zů dir / vnd stoß in mit dem haubt oben für die prust so feltt er ~

Also prich daß

ffasß in oben pey dem halß vnder dem uchsen / vnd leg dich vast oben auf in / vnd trit wol zů ruck mit den füessen dar vmb daß er dir kamen begreiff so druckstu in zů der erden ~

Aber ein ringen

Ob er den rechten fueß vor setzt so zeuch in mit der lincken hant pey seiner rechten / vnd slach in mit dem lincken fuesß nyden an den enckel seinß rechten fuesß / vnd ruck in also nyder / Oder fall im mit der rechtn hant mit auß slachen deß fuesß in die kel / vnd druck in über ruck ~

Aber ein ringen

Helt dich einer loß pey den armen so greif mit dein lincken hant nach sein rechten / vnd begreif yn pey den fingern / vnd hald in fest / vnd slach auf mit deiner rechten / vnd far Im durch vnder seine rechtn arm

106r

/ vnd fach in In der wüst / vnd mit der lincken in einer knyepüg ~

Aber ein ringen

ffast dich einer hinden pey der gurtel so senck dich nyder / vn wenn er dich erhebt so drä dich vmb vnder Im / vnd würf in ub° schranck

Aber ein ringen

Gee mit der rechten hant durch / vnd fach in oberhalb der hüff in der waich / vnd far mit der lincken hant / oben über sein rechte achsel / vnd fach dein rechte hant Im gelenck / vnd halt die fest / vnd heb in auf / vnd mit deine rechten knye erheb ym sein linkß knye / vn würf in für dich ~

Aber ein ringen

Begreiff ym sein rechte hant mit paidn henden / vnd ruck in auf dein rechte seittn / vnd schreit mit deine rechten fuesß hinder seinen rechten / vnd far im mit dem rechtn arm in sein lincke seitten / vnd würf In uber dem rechte hüf

Aber ein ringen

Wenn dir einer mit seinen paiden armen fert vnder dein paide arm / So far von oben nyder mit deinen armen aussen vnder sein elpogen / vnd schleuß dein arm zů samen vnder seinen elpogen / un heb mit sterck über sich / vn prich im die arm / Auch magstu im fallen in die kel wenn er die arm vnden hat / un zů ruck druckn

106v

Aber ein ringen

Wenn du vnden pist mit den armen / So magstu in oben fassen pey der kel / oder pey dem kin packen / vnd ym den halß wol über den ruck prechen / oder du müest wol mit deinen armen durch sein arm farn ~

Aber ein ringen

Pistu mit dem lincken arm vnden / so fal ym mit dem rechten in die kel / vnd schreit mit dem lincken fuesß hinder sein rechten vn druck in pey dem halß dar über ~

Item würf in auß dem fuesß zů paidn seittn

Aber ein ringen

Wenn du eine mit paiden armen durch sein arm gefarn pist / vn ist er also gering daß du in wol erhebn magst so fasß in in der mitt / vnd schleuß dein hand fast zu same un heb in auf dein lincke seittn / vnd drä dich mit ym umb / vnd wen du dich mit im einß umb gedrät hast so stoß in nyder auf die knye / vnd prich ym den ruck zu dir ~

Also prich daß

Wenn dich einer zů Im druckt so setz ym den elpogen an die kel / oder an die prust / vnd druck In von dir zabe [puste miejsce] / vnd daß dein lincker fueß zů ruck stee ~

Aber ein ringen

Item wenn dir ein mit seine haubt durch den arm farn wil / vnd wil dich uber sein ruck werffen fach in mit dem selbigen arm pey dem halß / vnd druck in fast zw° dir

107r

/ vnd leg dich mit der prust oben auf in / vnd swär dich nyder ~

Aber ein ringen

Item ob dich einer hinden begreift / wenn du Im hast den ruck zů gewant and het dich gefast in sein arm vnd oben uber sein arm so puck dich behendigklich fur dich / vnd würf in über daß haubt / Oder fach in nyden mit ein hant pey eine pain ~

Aber ein ringen

Item hat er dich aber hinden gefast / vnd hat seinen arm unter deinen arm / vnd hat er die hendt offen / So begreif in pey einem finger so mueß er dich lassen gen ~

Item ob dich einer vorn pey dem goller fast mit einer hant vnd helt dich fest so wendt dich vnden durch sein arm mit dem haupt so lest er dich / Oder magstu Im den daume begreiffen daß ist auch gůt ~

Item fast dich einer hinden pey dem goller so went dich gegen im mit dem haupt vn den durch sein arm so wirstu ledig ~

Item ob dich einer fast mit paiden henden für der prust so stoß Im den rechtn elpogen auf vnd drä dich umb durch vnd vach In in der wüst ~

Aber ein ringen

Wenn du einen hast gefast mit dein lincken hant in der mauß seinß rechten armß / vnd druckst in do mit zů ruck felt er dir denn uber mit dem rechtn arm von aussen uber dein lincke hant / vnd druckt dir dein hant fast an sein prust / so far Im mit dem selben

107v

elpogen in sein rechte seitten vnd senck dich nyder vnd spring mit dem lincken füesß hinder sein rechten vnd greif im mit der rechten hant in sein knypüg vnd wirf in für dir nyder