Legenda

• tekst czerwony - podtytuły
• [tekst niebieski w nawiasie kwadratowym] - komentarz
• tekst niebieski pogrubiony - numery stron

54r

Hie hebt sich an meister lewen
kunst fechtenß In harnasch auß
den vier hutten zufuß vnd zu
kampffe ~

Er ab synnet
fechteß zu fuß begynnet

Der schick sein sper
Zu yeglichem an heben recht wer
Nym den vor stich on forcht
Spring vnd setz Im an
Wiltu vor stechen
Mit zucken wer ler prechen
Wer will er ziehen
Von scheiden wil fliehen
So solt Im nahen
Vnd weislichen wart deß vahen.

54v

Item daß ist die erst hut Nym dein
swert In baide hende vnd schütt
daß krefftiglichen vnd kome In
den hangenden ort zum rechten
or vnd stich In zum gesicht vnd
setze Im an daß gesicht oder wo daß
ist Wert erß so zuck vnd gee durch
mit dem stich vnd setze Im an halß
vor vnd wenn du Im hast ange-
setzet so slach dein swert vntter
dein rechte üchsen vnd dring In
also von dir hin ~

Item ein anderß Stich Im zu dem
halß vor Wert erß mit dem vor-
dern ortt von seiner lincken hantt
vnd setz ab So fall Im mit der
lincken hant In sein swert pej dem
ort vnd weiß Im den stich ab vnd
stich In mit der rechten hant kreff-

55r

tiglichen zu den hoden Wirt er
deß stichß gewar vnd fellt dir
auch In daß swert So laß dein swert
Im für die füß fallen Vnd vach
vnd begreiff denselben arm vnd
prich Im den alß du wol waist ~

Dunderslege

Item ein anderß Auch magstu auß
der obern hut mit dem knopf deß
swertz In zum haubt slahen oder
auf die arm bug deß vordern fuß-
eß vnd wil er dir daß wern way
du Im schlechst nach den kniepügen
vnd will dich oben über lauffen So
versetze Im den slag mit dem gehültz
vnd setz Im den ort In sein gesichte ~

55v

Item Waß man mit dem knauff
slecht daß heissen die dunder sleg
Du magst In auch vntter die
augen In daß visir damit slahen

Ein v´porgen stück

Item merck Wiltu einen über sein
danck Im kreiß vmb füren so gr-
eiff nach einem vingern zu der
lincken hant vnd prich über sich
oder stich Im oben zu den hant-
schuchen In die hant vnd heb daß
swert mit der hant übersich vnd
für In auß dem kraiß Daß ist
gut vnd auch v´porgen ~

56r

Niderwerffen

Item Wiltu einen man werffen der
dir hat angesetzt So übergreiff
mit der lincken hant über sein
lincken vnd nym daß gewicht
pej seinem lincken elnpogen.

Bruch.

Item wider daß Wann er greiffen
will So prich Im die hant forn
pej dem glid mit dem swert.

Item die and´ hut.

Item Nym daß swert In beid hend
vnd halt eß über dein knie vnd
gee zum man Sticht er dir vnden

56v

zu so wer Im nicht Sunder setze
Im an sein gesicht ~

Item Sticht er dir oben zu eß sej
zum gesicht oder wo eß ist daß
soltu weren vnd setze Im den stich
ab mit dem vordern teil deinß
swertz vnd setze Im In daß gesichte
oder an den trüssel vnd slag dein
swert vntter dein üchsen vnd
dringe für dich.

Item oder setz ab Zwischen deinen
baiden henden vnd far Im mit
dem knopff vmb sein halß vnd
für setze Im mit deinem rechten
fuß vnd felle In also

57r

Bruch

Item Nym deß armß war vnd treib
vmb vnd treib den arm pruch

Item aber far über mit der hant-
hab über sein vorgesatzte hant
vnd zeuch In zu dir vnd prich vnd
setze an ~

Item oder wechsel durch vnd setz
ab mit dem klossen.

Bruch

Item prich daß also Nym deß klosseß
war mit der lincken hant vnd
stoß Im daß swert In den ruck vnd
stich Im vnden zu den hoden ~

57v

Die dritt hut.

Item Nym daß swert In baid hende
vnd stee Im gehenck pej der rechte
seitten also daß der linck fuß vor
stee vnd gener auf dich stichett
oder wolt slahen mit dem kloß
oder wil dir an setzen so stich Im
zu seiner versatzten hant ~

Item oder stich über sein hant durch
vnd über sein swert vnd druck den
knopf zu der erden vnd setz an.

Item oder slag mit dem knauff zu
dem vorgesatzten elnpogen

Item oder slag In vnden zum elnpoge´

58r

Vnd daß swert wider gefast pej
der clingen vnd vntt´ der gerechte
üchsen oder auff daß knie ~

Item felt er dir In daß swert In der
mitten daß geschicht gern von
zagheit So rausch auf.

Item felt er dir In die spitzen so heb
daß swert über daß haubt vnd
nym daß swert in beid hende vnd
ruck an dich vnd slag Im zu der
vordern hant die er hat fürge-
setzt oder zu der kniepüg vnd be-
greiff wider daß swert mit der
clingen vnd gelegt auf daß knie.

58v

Die vierd hut

Item daß swert nym vntt´ die rech-
ten üchsen vnd gee an den man
mit ansetzen vnd setze Im an
daß gesicht Wert erß so ruck
oder setz Im an den rüssel oder
an die achsel oder vntter die
üchsen vnd tring In also von dir
hin Vnd wann du hast angesetzt
So laß In nit abkomen so mag
er weder geslagen noch gesteche´
Wenn eß würt Im zukurtz vnd
daß ist die kunst daß wisse.

Item merck alleß daß du wilt
an setzen daß setze an daß gesicht
oder an den trüssel oder an die

59r

lincken achsel oder vntten an die
üchsen vnd albeg vntter die rech-
ten üchsen vnd dring In also von
dir hin weck ~

Item merck eben Setzestu Im an
die rechten seitten so dritt ab mit
dem lincken fuß Oder setzstu Im an
die lincken seitten So dritt ab mit
dem rechten fuß vnd lauff für
dich vnd truck In auf ein seitten
vnd lest er dir die seitten so stoß
In auf die hauben. Wisß daß ist
daß krenckest am menschen ~

Item merck wann du Im hast an-
gesetzt vnd ist er lenger denn du

59v

so druck also gleich für dich hin
daß der ort übersich auf gee
vnd In wol In die ring gesetzt

Item vnd ist er kürtzer denn du
so laß dein swert mit der hant
absincken piß auf die rechten hüff
vnd also far über sich auf mit de´
ortt vnd vntter die ring die ring
wol gesatzt alß vor vnd laß In
nit abkomen Vnd will er dann
mit dein kloß arbeitten So mercke
daß nachuolgen mit dem ort so
kan er zu kainen dingen komen
Vnd daß ist gut ~

Item merck wider daß ansetzen
In daß gesicht oder wo daß sej

60r

Daß prich also Stich In vntten
In die hant die er hat fürgesatzt
auf der clingen vnd für In also
auß dem kreiß ~

Item oder stich In über sein vorge-
satzte hant vnd durch daß swert
vnd truck den knopff nider zu der
erden vnd setze Im an.

Item oder setze Im ab zwischen deinen
zweien henden mit dem knopff
gestossen für den halß vnd vnden
mit dem rechten pain getretten
hintter sein linckeß vnd darüber
geworffen ~

60v

Item oder setz In ab mit dem ortt
vnd Im angesatzt an sein gesicht

Item oder durchwechsel mit dem
knopff vnd setz damit ab.

Item ab er die hanthab vmb ge-
want auf der clingen stich Im
oben In die vinger ubersich auff

Ein pruch wider
die ansetzung

Item wider daß ansetzen Stich
Im vnden durch sein hant vnde

61r

über sein swert vnd slag den knauf
über sein lincke hant vnd rucke
damit nider vnd setze Im an.

Item wenn dir einer wil mit dem
knauff vmb den halß farn über
sein recht achseln So begreiffe Im
den elnpogen mit deiner lincken
hant vnd stoß In von dir vnd stich
mit der rechten hant krefftigliche´
hinden zu. Oder begreiff mit
der rechten hant sein rechte vnd
mit der lincken nym daß gewicht
pej seinem elnpogen.

Item ruck In zu dir mit seiner rechte
hant vnd begreiff Im den leip vnd

61v

gewynne Im die seitten an vnd er-
hebe In vnd slag Im vntten auß
den fuß So felt er daß ist gut

Item wenn er sticht So stich mit
Im gleich zu seiner lincken seite´
vnd begreiff sein swert zu deine´
swert mit der lincken hant vnd
mit der rechten hant wind vnde´
durch sein swert vnd slag den
mit beiden swertten ~

Item wenn dir einer hat ange-
setzt vnd du Im auch Daß brich
also nahen nym alß mit eine´
ringen mit der seitten an der
er dir hat angesetzt vnd greif

62r

mit deiner lincken hant vornen
an sein swert mit dem ort ruck
In nach dir so gewinstu Im die
seitten an ~

Item Stichstu einem zum gesicht
auß der vndern hut von der
rechten seitten Vnd felt er dir
In dein swert alß vorgeschrieben
stet mit seiner lincken hant
vor deiner lincken So far auf
mit der rechten hant vnd mit
der lincken hant leitte Im sein
swert aussen über sein lincke
hant vnd setze Im an ~

Item wisß daß alle ober ansetzug

62v

prechen vnd ledigen die vndern
vnd yn allen ansetzen soltu den
knopff winden vntter dein rech-
te üchsen In die hut vnd also
für dich ringen mit stercke.

Item Stichstu einem zum gesicht
auß der obern hut vnd felt er dir
mit seiner lincken hant In dein
swert zwischen deinen beidenn
henden So winde mit de' knauf
Inwendig durch seinen arm auf
dein lincke seitten vnd ruck üb´-
sich auf dein rechte seitten vnd
setze Im an ~

Item Stichstu einem zum gesicht

63r

auß der vnttern hut von d´ rechte
seitten vnd er felt dir mit sein´
lincken hant zum swert zwisch-
en deinen baiden henden So win-
de mit deinem knauff aussen
über sein lincken arm vnd ruck
In auff dein rechte seitten vnd
setze Im an Vnd daß heisset
außgetzempt vnden vnd oben.

Item Wenn du einem hast an-
gesetzt vnd er starck wid´ ist
daß du In nit getringen magst
vnd er greifft vnden durch sein
swert mit seiner lincken hant
vnd begreifft dir dein lincke
vnd wil dir daß gewicht neme´
vnd dieweil er dir den arm

63v

vmb reidet dieweil setze Im an
vntter die lincken so gewinstu
Im die swech an wie starck er
ist daß hilfft In nicht ~

Item Stich mit einem gleiche ein
auß der vnttern hut von deiner
rechten seitten vnd piß starck
am swert vnd ist er auch starck
so far mit dem knauff übersich
auff mit der rechten hant vnd
mit der lincken hant leite Im
den ort über seinen lincken arm
an die prust oder vntter sein
lincke üchsen vnd setz Im an
Vnd winde albeg mit de´ ansatz
vnder die üchsen In die hut ~

64r

Item daß sein die vntter-
haben vnd die auffsteen
Im kampff

Item Wann er felt so vall mit
Im albeg zu der rechten seitten
vnd mit dem rechten knie fall
Im albeg zwischen sein pain vnd
mit der lincken hant far vmb
sein halß vnd piß nicht zu gehe
daß du nit zu ser über In fallest
Vnd greiffe nach seinem degen
vnd zeuch deinen degen nicht
du habst In denn gewiß Will
er dir dann In dein degen fallen
so stich Im zu der hant vnd ruck
nicht wider ~

64v

Item ein anderß

Item Nym seinen rechten arm
zwischen dein pain vnd lege
dich auf In zwerß vnd streck
dich fast vnd halt dein pein
vast zu seinen vnd greiff mit
deiner lincken hant In seinen
lincken arm vnd halt In also
vnd arbait mit der rechte´ hant
mit degen Daß geet zu beiden
seitten.

Aber ein anderß

Wenn du neben In fellest so nym
sein haubt vntter sein lincke
üchsen vnd vmb such In mit

65r

dem halß vnd leg dich mit dem
leib oben vntter sein antlütze
vnd arbeit mit der rechten hat´.

Aber einß

Felt er auf den ruck so vall Im
mit deinem rechten knie zwis-
chen sein pain vnd faß Im den
rechten arm In dein lincke knie-
püg vnd setz dich darauf vnd
begreiff sein lincke hant mit
deiner rechten hant druck Im
die vntter sein halß vnd halt
In vest mit deiner lincken vnd
arbeit mit der rechten mit dem
degen.

65v

Item ein anderß

Item würfstu In auf den ruck
so falle mit deinem lincken knie
In sein rechten arm vnd mit
der lincken hant für sein halß
damit druck In fast Begreiff
Im sein lincke hant mit der rech-
ten vnd begreiff mit der linck-
en hant der rechten zu hilffe
vnd arbait mit der rechten.

Aber ein anderß

Item felt er auf den ruck So
begreiffe Im paide pain vntt'
den knien mit beiden henden
vnd heb sie auf vnd fall Im mit

66r

dem knie zwischen sein pain an
die hoden vnd die halt also bei-
de pain mit einer hant vnd mit
der lincken an der mit dem dege'

Item pej de´ halß mit de´ lincken
über die kelen.

Item vntter de´ rechten arm durch
vnd über den halß.

Item vnder haben wann
einer auf den pauch felt

So fall In mit dem rechten knie
In daß schlaß vnd mit deiner
lincken hant greiff über sein

66v

haubt vornen an daß visir vnd
zeuch übersich vnd mit de´ knie
druck wider Ist sein visir offen
So greiff mit den vingern In
sein augen Oder greiff mit bei-
den henden an die hauben vnd
reme damit deß halß so fellt
er wider auf den pauch.

Ein anderß

Felt er auf den pauch so vall auff
seinen arm mit dem knie Im glenck
vnd prich übersich.

Item Wann er auf dem pauch leit
so sitze auff In vnd schrencke über
sein arm vnd prich sie.

67r

Item Sitz Im auf sein achseln schrit-
lingen vnd zeuch übersich.

Item sein rechte hant auf den ruck
wol übersich getaucht.

Die aufsteen Im kampf

Item greifft dir einer In dein visir
mit den vingern wenn eß offen
ist von vnden auf wann du auf
dem pauch leist so slag mit dei-
ner lincken hant an sein lincken

Oder mit deiner rechten hant an
sein rechte hant vnd ruck an
dich vnd druck dein haubt zu der

67v

erden vnd hillf mit henden vnd
mit füssen so kompstu auff.

Ein stuck auf daß.

Begreiff sein lincke hant mit dey-
ner lincken vnd zucke an dich fall
auf den ruck vnd mit der rechte'
hant begreif sein pain vnd heb
übersich So kompstu auf.

Ob du auf den ruck vilest

Alß du vellest dein lincke hant
leg auf sein prust vnd wenn
er auf dich fellet so greiff mit
deiner lincken hant an sein
lincken elnpogen vnd mit der
rechten hant greiffe vntter sein

68r

linckeß knie vnd heb übersich
vnd mit dem leib schüpff dich
resch auf In dem fall so kompstu
auf In.

Ein ander pruch

Oder pring dein lincken arm vmb
sein halß vnd heb mit dem rechte´
pain vnd hilff mit der rechten
hant.

Item magstu daß nit getan vnd
er mit dem degen arbeit so schüpf
dich albeg ausser wertz Magstu
dein lincken arm gewynnen so
greiff Im vntter sein hant vntt´
den degen vnd thue die hant
zu wenn du greiffen wilt vnd

68v

wenn du Im die hant gefasset hast
so greiff mit der rechten an sein
lincken elenpogen vnd heb über-
sich vnd ruck daß recht knie zu
dir vnd besich ob du In mügst vo´
dir gestossen ~

Ein gut halten In d´ ringen

Begreiff mit der rechten hant sei-
nen rechten arm hintter sein re-
chte hant vnd mit deiner lincken
hant nym Im daß gewicht pej
seinem rechten elenpogen vnd
stoß seinen rechten arm mit dei-
ner rechten hant wol über dei-
nen lincken arm vnd drit hintt´
In vnd halt In also veste Hastu
In nit geworffen So begreiff

69r

sein recht pein hintter dem knie
vnd würffe In.

Ein gut lere

Item hastu einen vntter dich gewor-
ffen so schneide oder reiß ein groß
stuck auß seinem wappenrock vnd
stiche Im In daß visir mit dem de-
gen vnd laß Im daß nicht ange-
wynnen Daß ist gut Wann
eß kottig oder staubig ist würffe
Im daß visir voller staubß oder
gemülbß Oder stich erden ausß
mit dem degen vnd würff Im daß
In daß gesicht.

Aber ein lere

Item merck magstu kein plößling

69v

gesehen So schneide Im auß dem
wappenrock auf den armen od´
die hosen vnd waß du sichst von
nesteln daß sneid auf da vinstu
etwaß daß dir gut würt vnde
sich gar eben auf sein degen daß
er dir damit nit schade.

Merck du magst In auch slagen
mit dem knauf oder stossen zum
hertzen wie er leit oder zu den
achseln oder zu andern glencken

Item merck In dem vorreitten slag
oben oder vnden an sein enckel vnd
zeuch oben auf sein seitten mit d´
rechten hant.

70r

Also such die plösse hinden zum
leib zum gesicht, zwischen der
schultern Inwendig vntt´ den
üchsen vnd druck nit wider piß
er sichert ~